Reala Btik dator
Athleticek Mikel Orbegozo fitxatu du hiru denboraldirako
Erredakzioa
Azken bi urteak Realaren bigarren taldean eman ditu azpeitiarrak eta talde gipuzkoarrarekin lotzen zuen kontratua iragan ekainaren 30ean bukatu zitzaion.
Athleticek Real Sociedad Bn jokatzen zuen Mikel Orbegozo fitxatu du datozen hiru denboraldietarako. Azken bi urteak Realaren bigarren taldean eman ditu azpeitiarrak. Talde txuri-urdinarekin kontratua bukatu zitzaion ekainaren 30ean eta libre geratu zen.
Orbegozo azpeitiarra da eta 22 urte ditu (1989an jaioa). Realeko bigarren taldean 30 gol sartu ditu azken bi denboraldiotan. 2009-2010 denboraldian 26 gol sartu zituen Hirugarren Mailan eta 2010-2011. denboraldian sei gol sartu zituen Bigarren B Mailan.
Athleticeko entrenatzailea izango denak erabakiko du Mikel Orbegozo lehen taldean edo bigarren taldean ariko den.