Lezaman
Athletic: Bielsak asteazkenean zuzenduko du bere lehen entrenamendua
Erredakzioa
Astelehen eta asteartean proba fisiko-medikoak gainditu beharko dituzte jokalari zuri-gorriek. Asteazkenean Bielsaren txanda izango da.
Athleticeko lehen taldeak 2011-12 denboraldiaurreari uztailaren 11n, astelehenean, ekingo dio Lezamako instalazioetan proba fisiko-medikoak egiteko. Proba horiek gimnasioan eta pabilioian egingo dira.
Arestian aipaturiko probak arduradun medikoek antolatu dituzte eta Luis Maria Bonini, Marcelo Bielsaren talde teknikoaren partaidearen begiradapean egingo dira.
Horien ostean lan saioak uztailaren 13an hasiko dira Athleticentzat. Bera, egun horretan zuzenduko du Bielsak aurreneko entrenamendua. Egun horretan duela gutxi 21 urte azpiko Eurokopa jokatu duten jokalariek gainerakoekin bat egingo dute.