Cornella-El Praten
Espanyol-Athletic Club (2-1): Joko ona baina hutsegite nabarmenegiak
Erredakzioa
Bielsaren jokalariek ondo jokatu dute, baina ez dute asmatu ate aurrean eta atzealdeak kale egin du bi golen jokaldietan. Partidako onena, Cristian Alvarez etxekoen atezaina izan da.
Argazkia: EFE
Athletic Clubek galdu egin du Cornella-El Praten Espanyolen aurka 1-2. Zuri-gorrien gola Fernando Llorentek egin du eta Espanyolen biak Sergio Garciak egin ditu.
Lehenengo zatian nagusi izan dira lehenengo zatian. Bielsarenek ondo aritu dira erasoko jokoan, baina negargarri egon dira gola egiteko or-duan. Gabilondok, Llorentek eta batez ere De Marcosek gol-aukera parega-beak izan dituzte bikain aritu den Cristian Alvarez atezainaren aurrean.
Barkatu ez duena Sergio Garcia izan da, 25. minutuan Iñigo Perezen hut-segite bat baliatu duelako Espanyolen aurreneko gola egiteko. Aurrelaria gaur atzealdeko ezker hegalean aritu den zuri-gorriari aurreratu zaio erraztasun handiarekin.
Lehoiek ondo hasi dute bigarren zatia. Iturraspe zelairatu berriak bi gol-abagune izan ditu baloia jokoan jarri eta berehala. Espanyol, atze-rago sartuta, sufritu egin du zuri-gorrien erasoaldiak gelditzeko.
Zuri-gorrien saiakerek saria izan dute eta 62. minutuan Fernando Lloren-tek berdinketa jarri du markagailuan burukada bikain batekin.
Golaren ondoren, Espanyolek ez du etsi eta indarrak orekatu ditu jokoan ere. Pocchetinoren jokalariek, gainera, zuri-gorrien atzelariaren saria jaso dute berriro.
San Josek eta Iraizozek kale egin dute eta Sergio Garciak, beste behin ere, aukera baliatu du Espanyolen bigarren gola egiteko.
Golaren ostean eta azken minutuetan, Athletic ia osoa Cristian Alvarezen atera jo du, baina ez dute asmatu eta zuri-gorriek esku-hutsik bueltatu dira Cornella-El Prat futbol-zelaitik.
Fitxa teknikoa:
RCD Espanyol: Cristian Alvarez, Javi Márquez, Baena, Álvaro (Pandiani 65'), Sergio García (Romaric 75'), Verdú, Moreno, Javi López, Forlín, Dídac eta Albín (Thievy 12').
Athletic Club: Iraizoz; Gurpegi, San José, Amorebieta, Iñigo Pérez (Iturraspe 46'); Herrera (Toquero 66'), De Marcos, Javi Martínez; Muniain, Llorente eta Gabilondo (Susaeta 46').
Golak:
RCD Espanyol: 1-0, 25. min: Sergio García, 2-1, 73. min: Sergio García
Athletic Club: 1-1, 61. min: Llorente