Igandean, 22:00etan
Athletic-Betis: Ligako lehen garaipenaren bila
Erredakzioa
Bielsaren mutilak saiatuko dira hiru puntuak lortzen bere zaleen aurrean. Ustaritzek ezingo du jokatu kontratuagatik, baina Beñat hasierako hamaikakoan izango da. Goitiak aulkian hasiko du partida.
Fernando Llorente Rayoren aurka San Mamesen jokatutako Ligako lehen partidan. Argazkia: EFE
Igande honetan Athleticek Betisen aurka jokatuko du San Mamesen gaueko 22:00etan. Bielsaren mutilek lehen garaipena lortu nahi dute Ligan. Europa Leagueko garaipenak presio apur bat kendu die zuri-gorriei.
Betis, ordea, denboraldi hasiera ona egitetik dator eta sentsazio onak utziz. Aurpegi ezagunak eta iragan zuri-gorriak daude aurten Betisen. Ustaritz Athleticek utzita ari da talde sevillarrean eta ezin ditu zuri-gorrien aurkako partidak jokatu. Goitia euskal atezaina ez da minutuak izaten ari eta Casto da titularra, baina Goitia San Mameseko aulkian egongo da. Hasieratik jokatuena duena Beñat Etxebarria igorreko erdilaria da. Irineyrekin batera berak zuzentzen du Betisen jokoa. Pepe Melen mutilak Ruben Castroren baja dute partida honetarako.