Lezaman
Athletic: Herrera taldekideekin batera entrenatu da
ETB
Lan saioan falta izan direnak Espainiako eta Venezuelako selekzioekin dauden jokalariak izan dira: Llorente, Javi Martinez, Muniain eta Amorebieta.
Herrera (erdian), Lezaman entrenatzen. Argazkia: EITB
Athletic gaur itzuli da lanera bi atseden egunen ondoren. Jokalariak korrika aritu dira Boniniren agindupean, entrenamendu zelaien inguruan.
Taldean, Ander Herrera egon da gainerako taldekideekin batera. Erdilaria sasoia berreskuratzen ari da, hainbat aste min hartuta egon ondoren.
Athleticeko lan saioan falta izan direnak, berriz, Espainiako eta Venezuelako selekzioekin dauden jokalariak izan dira: Llorente, Javi Martinez, Muniain eta Amorebieta.