Granada, igandean San Mamesen
Fabri: 'Athleticek sekta dirudi, guztiek ideia bera defendatzen dute'
Erredakzioa
Granadako entrenatzaileak adierazi du San Mamesen talde bizkaitarraren aurka jokatzea "oso polita" dela.
Fabri Gonzalez, Granada CF taldeko entrenatzailea. Argazkia: EFE
Fabri Gonzalez Granada CF taldeko entrenatzaileak ostiral honetan prentsaurrekoan adierazi du "Athletic sekta bat bezalakoa" dela "guztiek ideia argi bat defendatzen dutelako". Igandean aurrez aurre ariko dira Athletic eta Granada San Mamesen 19:45ean hasiko den norgehiagokan.
Bilbora ilusio handiarekin eta zerbait ateratzeko nahiarekin datozela ere jakinarazi nahi izan du Fabrik. Granadako entrenatzaileak Athleticen joko maila onaz ere hitz egin du: "Jokoari dagokioenez idea argi bat jarraitzen ari dira eta mekanismo oso argiak dituzte".
San Mameseko giroaz ere gogoratu da Fabri: "Zelai ezin hobe baten jokatzen dute, zalego bikaina daukate eta oso momentu onean daude. Jokalari oso onak ditu eta talde moduan ondo funtzionatzen du baloia azkar berreskuratzen baitute. Talde honek duen izaera asko gustatzen zait".