Igandea 19:45etan
Athletic-Racing: 'Lehoiek' ez dute Europa urruntzerik nahi
ERREDAKZIOA
Athleticek puntu bakarra lortu du azken bi jardunaldietan, horregatik Racingen kontra hiru puntuak lortzea garrantzitsua da.
Javi Martinez. Argazkia: EFE.
San Mamesen Granadaren aurka galdu eta Mallorcaren kontra berdinketa eskasa erdietsi ostean Marcelo Bielsaren taldeari bi hilabeteko bolada ona bukatu zaio. Momentu honetan sailkapeneko seigarren postutik bost puntura dago talde zuri-gorria.
Aurkako atean jokaldiak behar bezala ez bukatzea eta Rincon de Sotoko aurrelariaren lesioa dira arrazoietako batzuk. Fernando Llorrente min hartuta dago eta Toquerok bere postua bete beharko du erasoan, berriro ere.
Argentinako entrenatzaileak Iberostar Estadin zelairatutako hamaikako berdina errepikatuko du San Mamesen. Iraizoz, beraz, atean egongo da, Iraola eta Aurtenetxe hegaletan, Javi Martinez eta Amorebieta defentsan; Iturraspe, Herrera eta De Marcos zelai erdian; eta Susaeta, Muniain eta Toquero erasoan arituko dira.
Juango Gonzalez, Racingeko entrenatzailea, joan den astean Vila-real menderatu zuen hamaikako berdina zelairatuko du. Orain arte Hector Cuperrek egin ez duena eginez, hau da, jardunaldi batetik bestera hamaikakoa errepikatuko du.
Ustezko hamaikakoa
Athletic Bilbao: Iraizoz; Iraola, Javi Martínez, Amorebieta, Aurtenetxe; Iturraspe, Herrera, De Marcos; Susaeta, Toquero eta Muniain.
Racing: Toño; Álvaro, Torrejón, Bernardo, Cisma; Arana, Diop, Adrián, Colsa, Munitis; eta Stuani.
Epailea: Del Cerro Grande (Madril).
Ordua: 19:45 horas.
Zelaia: San Mamés.