Denboraldi-aurrea
Athleticek lagunarteko partida jokatuko du Borussia Dortmunden aurka uztailaren 24an
A. B. E. | EITB Media
Alemaniako klubak jakinarazi duenez, talde zuri-gorriaren aurka jokatuko du Saint Gaillenen, Suitzan.
Haaland (Borussia Dortmund), Sevillari Txapeldunen Ligan sartutako gol bat ospatzen. Argazkia: EFE
Athleticek lagunarteko partida jokatuko du Borussia Dortmunden aurka uztailaren 24an Suitzako Saint Gaillen hirian, klub alemaniarrak asteazken honetan jakinarazi duenez.
Borussia Dortmunden aurkako neurketa Athleticek denboraldi-aurrean baieztatuta duen bigarren partida da, Union Berlinen aurka neurtuko baititu indarrak uztailaren 31n (15:30ean), Köpeniceko (Alemania) An der Alten Försterei zelaian.
Uztailaren 7an ekingo dio Athleticek denboraldi-aurreari Lezaman eta osasun azterketak egingo dituzte bi egun lehenago.