Min hartuta dago
Yerayk ez du jokatuko Celtaren aurka
EITB Media
Athleticeko jokalaria den Yeray Alvarezi areagotu egin zaio ezker belauneko tendoian duen tendinopatia eta ez da prest egongo Balaidosen jokatzeko.
Yeray Alvarez, Athleticeko jokalaria. Argazkia: EITB Media
Yeray Alvarez Athleticeko jokalariak Ligako 3. jardunaldiko Celtaren aurkako partida galduko du ezker belaunean duen tendinopatia areagotu egin baitzaio. Oraindik ez du partida ofizialik jokatu denboraldi honetan.
"Yeray Alvarezek taldearen dinamikatik kanpo jarraitzen du, ezker belauneko tendoian duen tendinopatia areagotu zaiolako. Froga osagarriak egingo zaizkio, eta lesioa sendatzeko behar diren tratamenduak ezarriko dizkiogu", jakinarazi du Athleticek, plazaratu duen mediku-txostenaren bidez.