Itxi

Errege Kopa

Bernabeun aurreikusita dauden obrak 150 komun berritzeko dira

Erredakzioa

Real Madrilek Kopako finala antolatzeari uko egingo dio eta jarrera ofizial egingo du datorren astean obrak dituela argudiatuz. Saint Denisen edo Da Luzen jokatzea erabat baztertuta dago.

Real madrilek ez du nahi Errege Kopako finala Santiago Bernabeun jokatzea. Argazkia: A.B.

Errege Kopako finala non jokatuko den eztabaida nazionala bihurtzen ari da. Athleticek eta Bartzelonak, Santiago Bernabeun jokatu nahi dute, baina Real Madril ez dago zelaia uzteko prest.

Real Madrilek datorren astean emango du ezezko ofiziala, Espainiako Futbol Federazioak eskakizuna egin ostean. Madrileko kubak ezekoa emango du obra batzuk aurreikusita dituela ardudiatuta. Obra horiek Bernabeun 150 komun berritzeko egingo dira.

Asteartean, sare sozialen bitartez finala Saint Denisen (Paris) edo Lisboako Da Luz estadioan jokatu zitekeela zabaldu zen. Federazioak zurrumurru hauek ezeztatu ditu eta Errege Kopako finala Espainian jokatuko dela baieztatu du.


Albisteak (3)