Europa League
Athleticek mendekua nahi du 55 urteren ondoren
Erredakzioa
1956-1957 denboraldian Europa Kopako finalerdietatik kanpo utzi zuten "deabru gorriek" Bilboko taldea.
Alex Ferguson, Manchester Unitedeko entrenatzailea. Argazkia: EFE
Athleticek Manchester Uniteden aurka jokatuko du Europa Leagueko final-zortzirenetan. 1956-1957 denboraldian Europa Kopako finalerdietatik kanpo utzi zuen Manchesterrek Bilboko taldea.
Joaneko neurketan 5-3 irabazi zuen Athleticek San Mamesen Uribe (2), Markaida, Merodio eta Artetxe jokalarien golekin. Ingelesen golak Taylorrel, Violetek eta Whelanek egin zituzten. Elurra izan zen protagonistetako bat gau horretan.
Itzuliko neurketa Maine Roaden jokatu zen otsailaren 6an eta Manchesterrek kanporaketari buelta eman zion. Atsedenaldiaren aurretik Whelanek sartu zuen 1-0ekoa. Bigarren zatian, Taylorren eta Berryren golek txapelketatik kanpo utzi zuten Athletic.
Urtebete geroago, Athleticen aurka jokatu zuten hainbat jokalarik (Byrnes, Tylor, Whelan, Pegg eta Colman) Municheko hegazkin istripuan zendu ziren.