Euskalduna Jauregian
Athleticek azaroaren 30ean egingo du Ezohiko Batzar Nagusia
EITB Media
Urriaren 23ko Ohiko Batzar Nagusian bazkide konpromisarioek ezezkoa eman zioten 2021-2022 denboraldirako aurkeztutako aurrekontuari, eta horixe izango da bozkatuko dutena.
Urriaren 23an San Mamesen egin zen Athleticen Ohiko Batzar Nagusiko irudia. Argazkia: EFE
Athleticek Ezohiko Batzar Nagusia egingo du azaroaren 30ean Bilboko Euskalduna Jauregiko Auditoriumean; lehen deialdia 19:15ean izango da, eta, bigarrena 19:30ean. Hala jakinarazi du klubak ostegun honetan.
Urriaren 23ko Ohiko Batzar Nagusian bazkide konpromisarioek ezezkoa eman zioten 2021-2022 denboraldirako aurkeztutako aurrekontuari, eta horixe izango da berriz bozkatuko den puntua. Klubeko zuzendaritzak 2021-2022 denboraldirako aurrekontua azalduko du batzar horretan, bozketa egin aurretik.
Datozen egunetan, Athleticek Ezohiko Batzar Nagusiaren garapen eta logistikari buruzko xehetasun gehiago emango ditu.