Gurpegui, Basconiako teknikari
Patxi Salinasek Imanol de la Sota ordezkatuko du Bilbao Athleticeko entrenatzaile karguan
EITB Media
Athleticek jakinarazi duenez, Patxi Salinas da gizonezkoen bigarren taldeko entrenatzaile berria. Carlos Gurpeguik zuzenduko du Basconia.
Patxi Salinas, Bilbao Athleticeko entrenatzailea. Argazkia: @AthleticClub
Patxi Salinas da Bilbao Athleticeko entrenatzaile berria. Hala jakinarazi du Athleticek astearte honetan. Astelehenean, klubak gizonezkoen bigarren taldeko entrenatzaile kargutik kendu zuen Imanol de la Sota.
Bilbao Athletic RFEF Lehen Mailako sailkapeneko 18. postuan da, jaitsieran, eta Patxi Salinasen zuzendaritzapean mailari eustea izango du helburu.
Bestalde, Basconiako entrenatzailea Carlos Gurpegui izango dela baieztatu du Athleticek.