Osasunaren aurka
Athleticen 4.000. partida ofiziala 124 urtetan
EITB Media
Jose Angel Iribar, 614 neurketekin, talde zuri-gorriaren historian gehien jokatu duena da.
Oscar de Marcos, Athleticen hamaikako historikoan. Argazkia: EFE
Athletic Clubek Osasunaren kontra jokatuko du astelehen honetan El Sadarreko futbol-zelaian gaueko 21:00etan eta bertan euren historiako 4.000. partida ofiziala jokatuko dute 1898. urtetik, beraz, aurten 124 urte egingo ditu Bilboko klubak.
Ligan 2.993 partida izan dira eta Kopan 607 eta guztira 53 titulu ditu Athleticek: 8 Liga, 24 Errege Kopa, 3 Superkopa, 17 eskualde-txapelketa eta Eva Duarte Kopa bat.
Jose Angel Iribar, 614 partidarekin, talde zuri-gorrian gehien jokatu duen jokalaria da, Telmo Zarra golegilea (335); Ernesto Valverde neurketa gehien zuzendu dituen entrenatzailea (306) eta Markel Susaetak du marka Europako hitzorduekin (75).
Athleticen hamaikako historikoa honako hau izango litzateke: Iribar (614 partida), Txetxu Rojo (541), Joseba Etxeberria (514), Andoni Iraola (510), Susaeta (507), Piru Gainza (496), Jose María Orue (483), Iker Muniain (476), Aitor Larrazabal (445), Nicanor Sagarduy 'Canito' (440) eta Oscar de Marcos (439).