Antigeno testak
Iker Muniainek positibo eman du covid-19an
EITB MEDIA
Athleticeko kapitainak positibo eman du taldeko jokalariei egindako azken probetan.
Iker Muniain, Bartzelonari sartutako goletako bat ospatzen. Argazkia: Efe.
Iker Muniainek positibo eman du covid-19an taldeari egindako azken atigeno probetan. Kapitaina ondo dago eta bere etxean isolatuta, osasun protokoloek diotenari jarraituta, Athleticek aditzera emandakoaren arabera.
Muniainek Athleticek ostegunean Bartzelonari egindako hiru goletako bi sartu zituen, eta horri esker bilbotarrak Errege Kopako final laurdenetan daude.
Asteazkenean, Aitor Elizegi presidenteak ere positibo eman zuen, Saudi Arabiatik bueltan. Athleticek Superkopako finala jokatu zuen bertan, iragan asteburuan.
Muniainek ezin izango du bere taldeak igandean, Vallecasen, Andoni Iraolaren Rayoren aurka jokatuko duen partida jokatu. Horrez gain, Unai Vencedor eta Oihan Sancet ere baja dira, eta zalantzan daude Yeray Alvarez eta Asier Villalibre, arazo fisikoen ondorioz.