Bielsa: 'Defentsan lan ugari egin dugu beraien aukerak sahiesteko'

Athleticek 2-4 irabazi zion Schalke 04 taldeari Europa Leagueko final-laurdenetako joaneko partidan eta norgehiagoka bukatuta protagonistek hitz egin zuten.

Marcelo Bielsa entrenatzaileak prentsaurreko ofizialean aztertu zuen partida. "Zaila izan da balantza beraien aldera ez erortzea lortu izana. Defentsan lan handia egin behar izan dugu beraiek sortzen zituzten aukerak ezerezean uzteko", adierazi du argentinarrak.

Oscar de Marcos golegileetako bat izan zen eta pozarren adierazpen hauek egin zituen: "Beraien aldeko 2-1ekoarekin momentu txarrak pasa ditugu, baina erreakzionatzen jakin dugu eta azkenean gure gol aukerak sare barrura bidali ditugu".

Ibai Gomezek ere minutu mordoa jokatu zuen eta Llorenteren bigarren gola berak ateratako korner batetik etorri zen. Jokalari bizkaitarra pozik azaldu zen, baina ez du uste dena eginda dagoenik: "Oso emaitza ona lortu dugu itzulerako partidarako, baina badakigu zail egongo dela kanporaketa pasatzea".

Azkenik, bi gol sartu zituen Fernando Llorentek esan zuen oso pozik dagoela taldeak egindako lanarekin. "Oso pozik egotekoa da, partida zaila genuelako. Nik hasieran sartutako golari buelta emateko gai izan dira. Momentu txarrak pasa ditugu 2-1ekoarekin, baina erreakzionatzea lortu dugu eta golak sartzea ere".