Kopako finala
Nola izango da sarreren zozketa?
@isuskoab
Maiatzaren 25ean jokatuko da Bartzelonaren kontrako finala eta igande honetan izango da bazkideen artean sarreren zozketa.
Sarrerak itxaroren daude bazkideak
Zozketa Athletic Cluben egoitzan egingo da, Bilboko Ibaigane Jauregian, hilaren 22an, 13:00etan. Zozketaren zuzendaria Manuel Lopez Pardiñas izango da, Euskadiko Notarioen Elkargoko dekanoa.
Talde zuri-gorriaren webguneak dakarren bazala zozketa publikoa izango da Clubeko bazkideentzat eta komunikabideek bertan egon ahal izango dute.
Nola izango da?
Izena emandako bazkide bakoitzak zozketarako zenbaki bat izango du. Esleitutako zenbaki guztiak ontzi batean sartuko dira zenbakidun bolen sistema jarraituz. Ontzitik ateratako zenbakia eta hurrengo 16.999 zenbakiak gorako hurrenkeran, izango dira saridunak, eta zenbaki horiekin esleitutako bazkideei 2012ko Kopako finalerako sarrera bana eskuratzeko eskubidea emango diote.
Eta zozketa eta gero, zer?
Zozketa egiten den egunean bertan, clubaren iragarki taulan eta web orrian argitaratuko ditu zozketan saritutako zenbakiak, eta, beraz, finalerako sarrera bat eskuratzeko eskubidea dutenak.
Sarrerak 2012ko maiatzaren 11tik 23ra (biak barne) jaso eta ordainduko dira. Egunero 1.500 bazkideri dei egingo zaie sarrera jasotzeko eta San Mameseko takiletan jasoko dira.