Lepauztaiaren haustura sendatzeko ebakuntza egin diote Jon Morcillori

Jon Morcillo Athleticeko jokalariari ebakuntza egin diote ostegun honetan Bilbon, igandean Gironaren aurka San Mamesen jokatu zuen partidan ezkerreko lepauztaia hautsi ondoren.

Talde zuri-gorriak jakitera eman duenez, ebakuntza "aurreikusi bezala joan da", eta jokalari bizkaitarrak "datorren astean" hasiko du errehabilitazio prozesua Lezaman. Ez dute zehaztu zenbat denborarako izango den baja.