Proiektua
Iñigo San Millan Pogacarren fisiologoa Athleticeko Errendimendu zuzendaria izango da
AGENTZIAK | EITB MEDIA
Entrenatzaileen zein hezitzaileen lanaz harago, taldeko futbolarien kirol baldintzak eta errendimendua ahalik eta gehien hobetzea izango da San Millan buru izango duen sailaren helburu nagusia.
Athleticen entrenamendu bateko artxiboko argazkia. EFE
Iñigo San Millán fisiologoa Athleticeko Goi mailako Errendimendu saileko arduradun nagusia izango da, astearte honetan klub zurigorriak jakinarazi duenez. San Millan Tadej Pogacar txirrindulariaren taldean (UAE Emirates) aritu da lan horretan azken lau urteotan.
Jon Larruskain izango du San Millanek laguntzaile gisa, Goi mailako Errendimendu arloko burua izango da, bost atalez osatutako sailean: Fisikoa eta Gaitasunak, Psikologia eta Jokalariaren Osoko Arreta, Nutrizioa, Sports Science eta taldeko Sendagile Zerbitzua.
Entrenatzaileen zein hezitzaileen lanaz harago, taldeko futbolarien -gizonen eta emakumeen lehen taldeetakoak eta Lezamako jokalarienak- kirol baldintzak eta errendimendua ahalik eta gehien hobetzea izango da San Millan buru izango duen sailaren helburu nagusia.
Athleticek argitu duenez, talde zurigorrian duen lanaz gain, San Millanek Coloradoko Unibertsitatean egiten duen irakaskuntzan eta ikerkuntzan jarraituko du 2024. urtera arte.