36 milioiko etete klausula
Llorenteren salmenta, buruhaustea Zuzendaritza Batzordearentzat
Erredakzioa
Jokalariak argi utzi du Athleticetik alde egin nahi duela, eta Urrutia presidenteak eta bere taldeak aurrelaria zein preziotan saldu erabaki beharko dute. 36 milioi euroko etete klausula du.
Fernando Llorente Bartzelonaren aurka jokatutako Errege Kopako finaleko partidan. Argazkia: EFE
ETBk aurreratu zuenez, Fernando Llorentek ez du Athleticen jarraitu nahi. Jokalariak erabakia jakitera eman dio Urrutia presidenteari. Orain, zuzendaritza batzordeak jokalaria zein preziotan saldu erabaki beharko du.
Llorentek 36 milioi euroko etete klausula du, baina aurrelari errioxarra fitxatu nahi duten taldeek, ez dute diru kopuru hori ordainduko. Zuzendaritzak kontuz ibili beharra izango du, gainera, zaleek ez baitute barkatuko Llorente edozein preziotan saltzea.
Juventus eta Tottenham dabiltza Fernando Llorente fitxatu nahian. Ingelesek ez dute diruaz hitz egin, baina italiarrak 20 milioi euro ordaintzeko prest daude.