Oharra webgunean
Athleticen 'etsipena' Javi Martinezen erabakiarekin
Erredakzioa
"Gure kirol proiektua nahiko erakargarria ez zelakoan hartu baitu", dio oharrak. Urrutiak prentsaurrekoa eskainiko du irailaren 3an, astelehenean.
Javi Martinez. Argazkia: EITB
Athleticek bere webgunean argitaratutako oharra:
Abuztuaren 29an, 20:15ean, Profesionalen Futbol Ligak Athletic Clubi zertifikatu dio Javier Martinez Aguinaga jokalariak Athletic Clubarekiko lotzen duen aldebakarreko kontratu deuseztapena gauzatzeko egungo arautegiak eskatzen dituen betebeharrak bete dituela, kontratuan ezarritako diru kopurua jarriz bere izenean Municheko Bayernek eman duen txekearen bitartez.
Martinezek hartu duen erabakiaren harira, Athletic Clubek bere etsipena adierazi nahi du, gure kirol proiektua nahiko erakargarria ez zelakoan hartu baitu. Geure erakundearen iritziz funtsezkoa da Athletic proiekturako bere lehen taldea azken kirol jomuga izatea bere jokalari guztientzat.
Josu Urrutia presidenteak prentsaurrekoa eskainiko du irailaren 3an, zehazteke dagoen orduan, balorazioa eskaintzeko.