Igandean 16:00etan
Garaipena helburu Valladoliden aurka
Erredakzioa
Fernando Llorente eta Ander Herrera deialditik kanpo geratu dira, Marcelo Bielsa entrenatzaileak adierazi duenez biak lesionatuta baitaude.
Muniain, artxiboko irudia. Argazkia: EFE
Athleticek Valladolid hartuko du igande honetan San Mamesen (16:00) eta zuri-gorrien helburua Ligako lehen garaipena eskuratzea izango da.
Hiru puntuak beharrezkoak ditu Marcelo Bielsaren taldeak. Sailkapen nagusiko azken postuan da Athletic, Betisen (3-5) eta Atleticoren (4-0) aurkako neurketak galduta. Kontuzkoa da Athleticen egoera, dagoeneko Europa Ligako multzoen faserako txartela lortu duen arren.
Fernando Llorente eta Ander Herrera, "lesionatuta", deialditik kanpo geratu dira. Zerrenda honakoa da: Iraizoz, Toquero, San Jose, Iturraspe, De Marcos, Ibai, Raul, Susaeta, Iraola, Isma López, Iñigo Perez, Gurpegi, Muniain, Aduriz, Castillo, Ekiza, Igor Martinez, Ruiz de Galarreta, Ramalho.
Ustezko hamaikakoak:
Athletic: Iraizoz; Iraola, Gurpegui, San Jose, Iñigo Perez; Iturraspe; Susaeta, De Marcos, Muniain, Isma Lopez; eta Aduriz.
Valladolid: Jaime; Rukavina, Rueda, Marc Valiente, Peña; Ebert, Alvaro Rubio, Victor Perez, Omar; Oscar eta Javi Guerra.