Sartuko ote da Llorente Espanyolen aurkako jokalarien zerrendan?

Fernando Llorente da gaur ere hizpide Athleticen, ia egunero bezala. Ostegunean egin zuen moduan, gaur ere normal entrenatu da, baina ikusteko dago Bartzelonara doan jokalari zerrendan sartuko den ala ez. Espanyolen aurka jokatuko dute zuri-gorriek igandean (12:00etan).

Marcelo Bielsa entrenatzaileak goizean egin duen probaren arabera, Iturraspek defentsaren aurretik joka dezake.

Andoni Iraolak, bestalde, 400 partida egingo ditu Athleticekin igandean, eta zenbaki potolo horiek garaipena lortuta ospatu nahiko luke.

Ustezko hamaikakoa: Iraizoz; Iraola, Gurpegui, Amorebieta, Iñigo Perez; Iturraspe; Susaeta, De Marcos, Muniain, Isma Lopez; eta Aduriz.