EA Sports Liga
Athleticek abenduaren 4an jokatuko du Real Madrilen aurkako Ligako partida, 21:00etan, San Mamesen
EITB Media
Bi taldeek Superkopa jokatuko dutenez, EA Sports Ligako 19. jardunaldiko neurketa abenduaren 4ra aurreratu da.
Vesga, Valverde eta Bellighamen artean, 2023-24 sasoiko Real Madril-Athletic partidan. Argazkia: EFE
Athleticen eta Real Madrilen arteko EA Sports Ligako 19. jardunaldiko partida abenduaren 4an jokatuko da, 21:00etan, San Mamesen. Bi taldeek Espainiako Superkopa jokatuko dutenez, urtarrilaren 11ko astebururako aurreikusita zegoen neurketa abenduaren 4ra aurreratu da.
Gauza bera gertatu da Mallorca-Bartzelona neurketarekin, baina Balear Uharteetako eta Kataluniako taldeen arteko lehia abenduaren 3an izango da, 19:00etan.