Datorren denboraldian
ETBk Bigarren B Mailako euskal futbol taldeen partidak emango ditu
Erredakzioa
Astero Bigarren B Mailan jokatzen duten taldeetako partida bat eskainiko du ETBk.
ETBk Bigarren B Mailako euskal futbol taldeen partidak emango ditu 2010-2011 denboraldian.
ETBk, maila horretan jokatzen duten taldeek eta Euskal Futbol Federazioak lortu dute akordio hori.
Horren arabera, astero maila horretan jokatzen duten taldeetako partida bat emango du ETBk. Bestalde, akordioari buruzko nondik norako guztiak datozen egunotan jakingo ditugu.
Real Sociedad B, Barakaldo, Eibar, Lemona, Bilbao Athletic, Alaves, eta Real Union taldeak dira Bigarren B Mailan jokatzen duten taldeak. Horiek Kantabriako, Aragoiko, Errioxako eta Gaztela eta Leongo taldeen aurka jokatuko dute bigarren multzoan.
Gainera, partidak eitb.com-en ikusi ahal izango dira. Eskaintza horri ohiko asteroko Champions League partida gehitu beharko zaio.