Bi puntura
Bigarren B: Eibar, Alavesetik gertuago
Erredakzioa
Babazorroek porrota jaso zuten Reala Bren aurka (2-1) eta gipuzkoarrek ez zuten Mirandesen kontra huts egin (0-2).
Alavesek Bigarren B Mailako II. multzoko lidergoari eutsi dio Realaren aurka larunbatean porrota jaso zuen arren (2-1). Gasteiztarrek 44 puntu dituzte eta bigarren, 42rekin, Eibar dago. Armaginek ez zuten kale egin eta Mirandes gainditu zuten (0-2). Real Unionek erraz irabazi zuen La Muelaren aurka (3-0).
Osasunak 3-2ko emaitzarekin hartu zuen mendean Lemoa eta Athletic Bk porrota jaso zuen Logroñesen aurka (1-0). Nafarrak laugarren postuan dira eta bilbotarrak hamaikagarrenean.
Beheko postuetan, Peña Sportek puntu bat batu zuen Gimnasticaren aurka hutsean berdinduta eta azken postuan dagoen Barakaldok Oviedoren aurka galdu zuen etxean (0-1).