II. multzoa
Bigarren B Maila: Eibarrek lidergoan darrai, baina aurkariak gertuago
Andoni Beldarrain
Erredakzioa
Armaginek 1-1 berdindu zuten Real Unionen aurka. Mirandesek irabazi zuen eta puntuetara berdinduta dago bigarren postuan. Alavesek 7-1 jipoitu zuen Peña Sport eta lehen postutik puntu bakarrera da.
Bigarren B Mailako II. multzoko 31. jardunaldia jokatu ondoren gauzak estu jarri dira sailkapeneko goi eta behealdean.
Eibarrek lidergoari eutsi dio larunbatean Real Unionen aurka 1-1 berdindu ondoren: Armaginek 59 puntu dituzte eta Irundarrak laugarren postuan daude 52 punturekin. Mirandesek 0-2 irabazi zion Cultural Leonesari eta Eibarrekin puntuetara berdinduta daude. Alaves dago hirugarren postuan 58 punturekin Peña Sporti 7-1 irabazi ostean. Nafarrak azken aurreko postuan daude 26 punturekin eta sei puntura dute promozioko jaitsiera postua baita salbazioa ere.
Geldiezin eta indartsu fatorrena Osasuna B da. Gorritxoek 4-1 irabazi zioten Gimnastica Torrelavegari eta bosgarren postuan daude 50 punturekin, hau da, nafarrek bi puntura dute Real unionek betetzen duen igoerako play-off postua. Reala Bk eta Lemoak, ordea, galdu egin zuten. Txuri-urdinek 0-1 galdu zuten Logroñesen aurka eta zortzigarren postuan daude 46 punturekin. Puntu bat gutxiagorekin eta hamargarren postuan da Oviedoren aurka 0-1 galdu zuen Lemoa. Bestalde, Bilbao Athleticek 0-0 berdindu zuen La Muelaren aurka eta zuri-gorriak 12. postuan daude 41 punturekin.
Burua altxa ezinik eta garaipena aspaldian usaindu gabe dabil Barakaldo. Sailkapeneko azken postuan daude eta asteburu honetan ere galdu egin du, 0-1 Caudal maila mantentzeko aurkari zuzenaren kontra. Caudal eta Zamora jaitsiera eta jaitsierako promozio postuetaik kanpo daude 32 punturekin golaveragea dela eta. La Muela dago jaitsierako promozio postuan 32 punturekin. Barakaldok 22 puntu besterik ez ditu, zazpi jardunaldi geratzen dira liga bukaerarako eta 10 puntura du salbazioa eta jaitsierako promozio postua. Zail izango du Barakaldok Bigarren B Mailan mantentzea.
31. jardunaldiko emaitzak II. multzoan:
SD Eibar 1 - 1 Real Unión Club
Real Sociedad -B- 0 - 1 UD Logroñes
CA Osasuna -B- 4 - 1 RS Gimnastica
SD Lemona 0 - 1 Real Oviedo
CD La Muela 0 - 0 Athletic Club -B-
Zamora CF 1 - 2 CF Palencia
CD Guijuelo 1 - 0 Real Sporting -B-
Deportivo Alaves 7 - 1 Peña Sport FC
Caudal Deportivo 1 - 0 Barakaldo CF
CD Leonesa 0 - 2 CD Mirandes