Montañesa gaindituta
Sestao River Bigarren B Mailako taldea da
A.B.
Erredakzioa
Montañesaren aurka 2-2 berdindu du itzulerako partidan eta joanekoan 2-1 irabazi zutenez mailaz igo dira bizkaitarrak.
Sestaoko jokalariak Bigarren B Mailarako igoera ospatzen. Argazkia: EITB
Sestao River Bigarren B Mailako taldea da igande honetan Montañesaren aurka Bartzelonan jokatu duen igoera play-offetako itzulerako partidan 2-2 berdindu ondoren. Joaneko norgehiagokan 2-1 irabazi zuen Sestaok.
Partidako hamargarren minutuan penaltiz 1-0ekoa sartu zuen Montañesak eta 1-0ekoarekin iritsi zen partida atsedenaldira. Bigarren zatian Montañesak beste penalti bat izan zuen alde, baina jaurtiketa zutoinera bidali zuten. Minutu gutxi beranduago Sestaok 1-ekoa sartu zuen. Norgehiagoka bukatzeko 19 minutu falta zirenean Sestaok 1-2koa sartu zuen eta igoera bideratuta utzi zuen. Luzapeneko minutuetan 2-2koa sartu zuten katalanek, baina ez zen gehiagorako denborarik egon. Horrenbestez, igoera lortu du Sestaok.