CD Arratiak antolatuta
Amorebietak irabazi du Igorreko XXV. Txapelketa
A.B.
Erredakzioa
Finalean 0-0 berdindu dute Cultural de Durangoren aurka eta penaltien txandan lortu dute garaipena.
Amorebietak irabazi du Igorreko XXV. Txapelketa finalean Cultural de Durangoren aurka 0-0 berdindu eta penaltien txandan garaile atera ondoren.
CD Arratia taldeak antolatzen duen denboraldiaurreko txapelketa klasiko honetan Lemoak, Amorebietak, Cultural de Durangok eta Arratiak hartu zuten parte.
Lehen finalerdian Amorebietak 1-3 irabazi zion Arratiari eta bigarren finalerdian Lemoak 2-1 irabazi zion Cultural de Durangori. Lemoak abuztuaren 12an Athleticen aurka jokatu zuen eta hurrengo egunean Igorreko txapelketan jokatu zuen Culturalaren aurka. Finalerako sailkatu arren jokalari asko min hartuta zituen Lemoak eta bi egunetan jarraian jokatu ostean ezin zutela hirugarren egunez jarraian jokatu esan zioten antolatzaileei. Txapelketa honetan parte hartu zuten taldeen arteko harreman ona dela eta ez zen inongo arazorik egon eta Cultural de Durangok jokatu zuen azkenean finala Amorebietaren aurka.