Bigarren B Maila: Eibar eta Alaves, play-off postuetan

Bigarren B Mailako II. multzoko 18. jardunaldiarekin eman zion 2011. urteari agurra brontzezko mailak. Orokorrean euskal talde gehienen balantzea ona da. Bi euskal talde daude play-off postuetan eta beste bi jaitsierakoetan.

Alaves izan zen jardunaldiko protagonista nagusia. Arabarrek Mirandes liderra menderatu zuten 1-0 eta garaipen honekin Alaves laugarren postuan dago 29 punturekin. Mirandesentzat denboraldiko lehen porrota da Mendizorrotzan jasotakoa, baina lidergoan jarraitzen dute 39 punturekin. Ponferradina dago bigarren postuan 34 punturekin eta hirugarren postuan Eibarrentzat da 31 punturekin. Armaginek 0-0 berdindu zuten etxean Sestaoren aurka.

Euskal talde askotxo ditugu play-off postuetatik gertu ere. Amorebieta bosgarren postuan dago 29 punturekin Logroñesen aurka 2-1 galdu eta gero. Real Unionentzat da seigarren postua 28 punturekin. Irundarrek 2-0 galdu zuten Guijueloren aurka. Bilbao Athleticek ere 28 puntu ditu Palenciaren aurka 1-1 berdindu ostean. Pixka beherago, baina play-off postuetatik bi puntura Sestao River dago.

Bestalde, bdaude oso gaizki pasatzen ari diren bi euskal talde; Reala B eta Lemoa. Txuri-urdinek 3-4 irabazi zioten zona lasaian dagoen Osasuna Bri (25 puntu). Garaipena lortu arren Reala Bk jaitsiera postuetan jarraitzen du. Gipuzkoarrak 18. postuan daude 16 punturekin, salbaziotik hiru puntura (15. Arandina, 19 punturekin) eta promozio postutik bi puntura (16. Gimnastica Segoviana). Lemoaren egoera are okerragoa da. Gimnastica Segovianaren aurka 0-1 galdu zuten Arlonagusian eta 19. postuan daude 12 puntuirekin.

18. jardunaldiko partiden emaitzak:

SD Eibar 0 - 0 Sestao River Club
Athletic Club B 1 - 1 CF Palencia
Club Atletico Osasuna B 3 - 4 Real Sociedad de Futbol B
SD Ponferradina 2 - 0 Arandina CF
UD Logroñes 2 - 1 SD Amorebieta
SD Lemona 0 - 1 Gimnastica Segoviana CF
Burgos CF 0 - 0 Zamora CF
UD Salamanca 4 - 0 CD Guijuelo
RS Gimnastica 2 - 0 Real Union Club
CD Mirandes 0 - 1 Deportivo Alaves