Lehen Mailan parte hartzeko
Eibarrek kapital handitzea lortu du
Erredakzioa
Klubak Kirol kontseiluak eskatzen zuen gutxienekoa erdietsi du, baina uztailaren 21era arte kontua zabalik mantenduko du.
Your browser doesn’t support HTML5 video
Eibarrek BBVA Ligan parte hartzeko behar zuen kapital handitzea erdietsi du. Talde armaginak jakinarazi duenez, 1.716.700 euro lortu ditu.
"Kapital handitzea osatu da, helburua lortu dugu! Eskerrik asko guztioi!", adierazi du Eibarrek. Astelehenean helburua eskuratzetik oso gertu zeudela aitortu zuen Alex Aranzabal presidenteak.
"Posible dela argi geratu da. Eskerrak eman nahi diegu parte hartu duten guztiei. Kirol kontseiluak eskatzen zuen minimoa lortu dugu”, esan zuen Aranzabalek.
Hala ere, kontua uztailaren 21era arte zabalik mantenduko du talde gipuzkoarrak. Xedea bileran onartu ziren 1.980.000 eurotara heltzea da.