Neguko merkatua
Eibarrek Jon Ansotegi fitxatu du
Erredakzioa
Realarekin zuen kontratua eten eta denboraldi amaierara arte sinatu du kontratua talde armaginarekin.
Jon Ansotegi. Argazkia: EFE
Eibarrek taldea indartu du fitxaketen neguko merkatuaren azken egunean eta Jon Ansotegi erdiko defentsa fitxatu du denboraldi amaierara arte. Realarekin zuen kontratua eten eta talde armaginarekin sinatu du erdiko defentsa gipuzkoarrak.
Ansotegik ez du asko jokatu denboraldi honetan Realean eta talde txuri-urdina uztea erabaki du. Amerikako Estatu Batuetako MLStik New York Cosmosen eskaintza izan du, baina etxetik gertu geratzea erabaki du. Eibarrekin sei partida jokatuz gero, automatikoki berrituko du kontratua talde armaginarekin.