2020ra arte
Eibarrek Jose Angel fitxatu du
Erredakzioa
Ezker hegaleko defentsa libre iritsi da Portorekin zuen kontratua eten ostean eta 2020. urtera arte sinatu du kontratua klub armaginarekin.
José Ángel. Foto: SD Eibar
Eibarrek Jose Angel Valdes jokalaria fitxatu du. 27 urte ditu, ezker hegaleko defentsa postuan jokatzen du, eta libre iritsi da Portorekin zuen kontratua eten ostean.
2020. urtera arte sinatu du kontratua Eibarrekin jokalari asturiarrak. Porto, Vila-real, AS Roma, Reala eta Sporting Gijon taldeetan ibilitakoa da Jose Angel. Ostiral goizean gainditu du osasun-azterketa, eta arratsaldean taldekide berriekin egin du lan-saioa.