9. jardunaldiko ordutegiak
Eibarren eta Athleticen arteko derbia urriaren 21ean jokatuko da
eitb.eus
Celta – Alaves partida urriaren 20an izango da, ostiralarekin. Realak, bere aldetik, astelehenean, urriaren 22an, hartuko du Girona Anoetan.
Unai Nuñez eta Kike Garcia, joan zen denboraldian Ipuruan jokatutako derbian. Argazkia: EFE
Ligak 9. jardunaldiko ordutegien berri eman du ostegun honetan. Horien arabera, Eibarrek eta Athleticek elkarren artean jokatu behar duten euskal derbia urriaren 21ean izango da, igandean, 16:15etik aurrera.
Beste bi euskal taldeei dagokienez, jardunaldiko lehen eta azken norgehiagoketan arituko dira. Hartara, Alavesek Celtaren aurka jardun beharko du ostiralean, urriaren 19an, 21:00etan. Ordu berean hasiko du Realak ere bere neurketa, alabaina, astelehenean. Izan ere, txuri-urdinek urriaren 22an hartuko dute Girona Anoetan.
9. jardunaldiko ordutegiak:
Urriak 19, ostirala:
21:00 Celta – Alaves
Urriak 20, larunbata:
Real Madril – Levante (13:00)
Valentzia – Leganes (16:45)
Villa-real – Atletico Madril (18:30)
Bartzelona – Sevilla (20:45)
Urriak 21, igandea:
Rayo Vallecano – Getafe (12:00)
Eibar – Athletic (16:15)
Huesca – Espanyol (18:30)
Betis – Valladolid (20:45)
Urriak 22, astelehena:
Reala – Girona (21:00)