Eibarrek garaipenen boladara itzuli nahi du, Levanteri irabazita

Eibarrek Levante izango du aurkari igande honetan, 12:00etan, Cuitat de Valencia zelaian. Bi jardunaldi jarraian daramatza talde armaginak garaipena lortu gabe, eta bolada horri amaiera eman nahi dio.

Jose Luis Mendilibarrek zuzentzen duen taldeak 35 puntu ditu, eta hiru puntuak eskuratu nahi ditu, salbazioa lortzeko helburura gerturatzeko. Arbillari ebakuntza egin zioten asteazkenean, eta ezingo du jokatu datorren denboraldira arte. Pedro Bigas ere min hartuta dago. Mendilibar haserre agertu zen ostiralean, prentsaurrekoan, eta esan zuen jokalariek ez zutela ondo entrenatu. "Ostegunean ez zitzaidan gustatu jokalariek nola entrenatu zuten, eta ostiral honetan gauza bera errepikatu da. Hamar jardunaldi falta dira, eta egunero ondo entrenatu beharra daukagu", adierazi zuen Eibar taldeko entrenatzaileak.

Bestalde, Levante jaitsiera postuekiko sei puntura dago, eta azken hamabi puntuetatik bakarra lortu du talde valentziarrak. Paco Lopez entrenatzaileak ez du Chema jokatzeko prest izango, partida bateko zigorra bete behar baitu txartel pilaketagatik. Gainera, min hartuta daude, Raphael Dwamena, Oier Olazabal eta Cheick Doukoure.

Ustezko hamaikakoak:

Levante: Aitor; Moses edo Coke, Rober Pier, Postigo, Vezo, Luna, Campaña, Rochina, Bardhi, Roger edo Mayoral, Morales.

Eibar: Dmitrovic; Peña, Ramis, Oliveira, Cote, Orellana, Escalante, Jordan, Cucurella, Enrich, Charles.

Epailea: Prieto Iglesias.

Zelaia: Ciutat de Valencia.

Ordua: 12.00.