Lesioak
Erizaindegia beteta, Diop, Ramis, Peña, Bigas eta Pedro Leon min hartuta baitaude
Erredakzioa
Pedro Bigas eta Pedro Leon zalantza dira Realaren aurkako derbirako. Diop, Ramis eta Peña ez dira Anoetan egongo.
Ivan Ramis lesionatu egin zen Eibarrek Real Madrilen aurka jokatutako partidan. Argazkia: EFE
Eibarrek erizaindegia beteta ekin dio Realaren aurkako derbia jokatu beharreko asteari. Igandean, Anoetan neurtuko dituzte indarrak armaginek eta txuri-urdinek. Momentuz, apirilaren 8ko datan, min hartuta daude, Pape Diop, Ruben Peña, Ivan Ramis, Pedro Bigas eta Pedro Leon futbolariak.
Diopek, Ramisek eta Ruben Peñak, Realaren kontrako partida galduko dute. Hala ere, baliteke Mendilibar entrenatzaileak Pedro Leon eta Pedro Bigas jokatzeko prest izatea, nahiz eta haien lesioen eboluzioa ikusi beharko den.
Min hartuta dauden Eibar taldeko jokalarien osasun-parteak:
Pape Diop: Zuntz-haustura du ezker hankako iskiotibialetan. Eboluzioaren zain.
Ivan Ramis: Lesioa du eskuin hankako bizeps femoralean. Asteartean erresonantzia magnetikoa egingo zaio lesioaren diagnostiko zehatza ezagutzeko.
Ruben Peña: Lesioa du ezker hankako iskiotibialetako bateko erdi-mintzezkoan. Asteartean erresonantzia magnetikoa egingo zaio lesioaren diagnostiko zehatza ezagutzeko.
Pedro Bigas: Soleoko hausturaren eboluzioa ona da. Zalantza da asteburuko partidarako.
Pedro Leon: Distentsioa du ezker hankako soleoan. Zalantza da asteburuko partidarako.