Bi aste jokatu gabe
Diopek ezingo du Ligako lehen jardunaldiko partida jokatu, lesio baten eraginez
Erredakzioa
Eibar taldeko jokalari senegaldarrak zuntz-haustura du ezker hankako bizeps femoralean, eta ez da prest egongo Mallorcaren aurkako lehen jardunaldiko neurketa jokatzeko.
Pape Diop, Valladoliden aurkako neurketa baten. Argazkia: EFE
Pape Diop Eibar taldeko erdilariak zuntz-haustura du ezker hankako bizeps femoralean, eta ez da prest egongo talde armaginak Mallorcaren aurka jokatuko duen Ligako lehen jardunaldiko partidarako.
Erdilari senegaldarrak min hartu zuen Eibarrek Fortuna Dusseldorf taldearen aurka larunbatean jokatu zuen norgehiagokan. Diopek gutxienez bi aste eman beharko ditu jokatu gabe, klubeko osasun zerbitzuek zelaietatik at emango duen epea zehaztu ez duten arren.