6. jardunaldia
Garaipenak ihes egin dio Eibarri, azken minutuetan (3-3)
AGENTZIAK | EITB MEDIA
Armaginak 1-3 izan dira aurretik bigarren zatian, baina Iñigo Vicentek penaltiz 72. minutuan eta Bruguek 90.ean hirunakoa jarri dute markagailuan.
Your browser doesn’t support HTML5 video
Eibarrek poltsikoan zuen garaipenari ihes egiten utzi dio Mirandesen aurka Anduvan 3-3 eginda, LaLiga Smartbankeko 6. jardunaldiko partidan.
Etxeko taldea 7. minutuan aurreratu da Simon Morenok egindako golari esker, baina armaginek berehala eman diote buelta markagailuari, 3 minututan: Stoichkovek banakoa egin du 33 minutuan eta Corpasek 1-2koa, penaltiz, 36.ean.
Bigarren zatian, Garitanoren taldeak markagailuko aldea handitu du Edu Expositok 52. minutuan egindako golari esker. Baina Eibarrek dena alde izan duenean suspertu da Mirandes. 2-3koa Iñigo Vicentek egin du penaltiz 72. minutuan, eta 3 eta 3koa Bruguek, 90.ean.
Fitxa teknikoa
3 - Mirandes: Lizoain, Iago López (Brugué 82. min), Capellini, Arroyo, Letic, Gelabert (Hassan 62. min), Oriol Rey, Rementeria (Marqués 73. min), Simón Moreno, Iñigo Vicente eta Camello (Riquelme 73. min).
3 - Eibar: Cantero, Rober Correa (Gaulder 73. min), Burgos, Venancio, Álvaro Tejero, Sergio Álvarez, Javi Muñoz, Corpas (Franchu 83. min), Edu Exposito (Sielva 73. min), Molina eta Leschuk.
Golak: 1-0 7. min: Simón Moreno. 1-1 33. min: Stoichkov. 1-2 36. min: Corpas (p). 1-3 52. min: Edu Expósito. 2-3 72. min: Iñigo Vicente (p). 3-3 90. min: Brugué.