Larunbatean, 22:00etan
Kolonbia eta Uruguai, fina-laurdenetako txartelaren bila
Erredakzioa
Kolonbiaren arazoa antsietatearen kudeaketa izan daiteke, eta Uruguain Luis Suarezen zigorra da gai nagusia.
Kolonbiako James Rodriguez jokalaria. Argazkia: EFE
Kolonbia eta Uruguai aurrez aurre arituko dira larunbat honetan, Munduko Futbol Txapelketako final-zortzirenerako neurketan (22:00etatik aurrera).
Maracanan jokatuko dute. Kolonbiaren arazoa antsietatearen kudeaketa izan daiteke, eta Uruguain Luis Suarezen zigorra da gai nagusia: 9 partida eta lau hilabete jokatu gabe egon beharko du selekzioko izarrak.
Carlos Bacca, bestalde, sendatuta dago eta Pekermanek jokalaria zelairatu ahal izango du.
Ustezko hamaikakoak:
Kolonbia: Ospina, Zúñiga, Zapata, Yepes, Armero, Abel Aguilar, Carlos Sanchez, Cuadrado, James Rodriguez, Teo Gutierrez eta Ibarbo.
Uruguai: Muslera; Martin Caceres, Gimenez, Diego Godin, Alvaro Pereira; Alvaro Gonzalez, Arevalo Rios, Lodeiro, Cristian Rodriguez; Forlan edo Stuani eta Cavani.