Errusia 2018
Kroazia Munduko Txapelketan egongo da Grezia kanporatu ostean
Erredakzioa
Selekzio kroaziarrak golik gabe (0-0) berdindu du talde greziarraren aurka berraukerako itzulerako neurketa, baina Errusian arituko da, joanekoa 4-1 irabazi baitzuen.
Kroaziako jokalariak Munduko Txapelketara sailkatu direla ospatzen. Argazkia: EFE
Kroaziak Errusiako 2018ko Munduko Txapelketa jokatzeko txartela eskuratu du, berraukerako kanporaketan Grezia gaindituta. Kroaziarrek 4-1 irabazi zuten joaneko neurketa, eta itzulerakoan (0-0) ez dute arazorik izan sailkapena lortzeko.
Fitxa teknikoa:
0 - Grezia: Orestis Karnezis, Vasilios Torosidis, Konstantinos Manolas, Sokratis Papastathopoulos, Panagiotis Retsos, Alexandros Tziolis, Panagiotis Tachtsidis, Zeca, Anastasios Bakesetas (Giannis Gianniotas, 59. min), Lazaros Christodoulopoulos (Konstantinos Fortounis, 59. min) eta Konstantinos Mitroglou (Dimitrios Pelkas, 78. min).
0 - Kroazia: Danijel Subasic, Sime Vrsaljko, Domagoj Vida, Dejan Lovren, Ivan Strinic, Ivan Rakitic, Luka Modric (Matej Mitrovic, 91. min), Marcelo Brozovic, Mario Mandzukic, Ivan Perisic (Ante Rebic, 86. min) eta Nikola Kalinic (Andrej Kramanic, 78. min).
Epailea: Bjoern Kuipers (Herbehereak).