D multzoa (Lehen jardunaldia)
Kroaziak irabazi egin dio Nigeriari eta D multzoko liderra da
Erredakzioa
Kroaziako selekzioak 2-0 irabazi dio Nigeriari eta Islandiak eta Argentinak berdindu egin dutenez, D multzoko liderrak dira kroaziarrak.
Kroaziako jokalariak Modricek Nigeriari sartutako gola ospatzen. Argazkia: EFE
Kroaziak 2-0 irabazi dio Nigeriari Errusiako Munduko Txapelketako D multzoko lehen jardunaldiko partida eta multzoko liderra da Argentinak eta Islandiak bana (1-1) berdindu baitute.
Selekzio kroaziarra nagusi izan da hasieratik amaierara arte. Neurketako 32. minutuan Etebok bere atean sartu du gola (1-0) eta bigarren zatian, 71. minutuan, Modricek sartu du 2-0ekoa, penaltiz.
Fitxa teknikoa:
2- Kroazia: Subasic; Vrsaljko, Vida, Lovren, Strinic; Rakitic, Modric, Rebic (Kovacic, m.78), Kramaric (Brozovic, m.60); Perisic, Mandzukic (Pjaca, m.86)
Entrenatzailea: Zlatko Dalic
0- Nigeria: Uzoho; Shehu, Troost-Ekong, Balogun, Idowu; Etebo, Ndidi, Obi Mikel (Nwankwo, m.88) ; Moses, Ighalo (Iheanacho, m.72), Iwobi (Ahmed Musa, m.62)
Entrenatzailea: Gernot Rohr
Golak: 1-0, m.32: Etebo (ba); 2-0, m.71: Modric (p).
Epailea: Sandro Ricci (BRA).