H multzoa | 3. jardunaldia
Japonia final-zortzirenetan da Poloniaren aurka galdu arren
Erredakzioa
Japoniako selekzioak 0-1 galdu du Poloniaren aurka Munduko Txapelketako H multzoko azken jardunaldiko partida, baina Kolonbiak 0-1 irabazi dionez Senegali, japoniarrak sailkatu dira bigarren postuan.
Japonia-Polonia (0-1). Argazkia: EFE
Japoniak 0-1 galdu du Poloniaren aurka jokatu duen 2018ko Errusiako Munduko Txapelketako H multzoko 3. jardunaldiko partida, baina Kolonbiak Senegali 0-1 irabazi dionez, selekzio japoniarra sailkatu da final-zortzirenetara, multzoko bigarren postuan.
Abagune gutxiko partida izan da, eta Bednarekek sartu du neurketako gol bakarra, 60. minutuan. Japonia Senegalekin berdinduta geratu da H multzoan 4 punturekin eta bi taldeek gol kopuru bera sartu eta hartu dutenez, japoniarrek lortu dute bigarren postua, Senegalek baino txartel gutxiago jaso dituztelako hiru jardunaldi hauetan. Japoniak 4 txartel horia jaso ditu Munduko Txapelketan eta Senegalek 6 txartel horia jaso ditu; ondorioz, Japonia sailkatu da 'fair play' delakoagatik.
Fitxa teknikoa:
0 - Japonia: Kawashima; Hiroki Sakai, Yoshida, Makino, Nagatomo; Yamaguchi, Shibasaki; Gotoku Sakai, Okazaki (Osano, m.47); Usami (Inui, m.65); Muto (Hasebe, m.81)
Hautatzailea: Akira Nishino.
1 - Polonia: Fabianski; Bednarek, Glik, Berezynski; Jedrzejczyk, Krychowiak, Goralski; Kurzawa (Peszko, m.80); Grosicki, Lewandowski, Zielinski (Teodorczyk, m.80).
Hautatzailea: Adam Nawalka.
Gola: 0-1: Bednarek.
Epailea: Janny Sikazwe (Zambia). Makinori txartel horia atera dio.