Ez dute erlaxatu nahi
Miguel Flaño: 'Egoera zailean jarraitzen dugu oraindik'
Erredakzioa
"Adi egon behar gara jaitsiera postuetan egon ginen partidetan ematen genuen maila bera eskaintzeko", adierazi du Osasunako erdiko defentsak.
Miguel Flaño Espanyolen aurkako partidan. Argazkia: EFE
Miguel Flaño Osasunako defentsak adierazi duenez, "egoera zailean jarraitzen dugu, jaitsiera postuetatik at gauden arren". Celtari irabazita irten zen talde gorritxoa jaitsiera postuetatik.
"Emaitza onak lortzeak konfiantza ematen dizu, eta egiten ari zarenean gehiago sinistea eragiten du. Dena den, gure egoera aurreko jarduenaldietan izan dugunaren antzekoa da. Egoera zailean jarraitzen dugu", esan du Miguel Flañok.
Jose Luis Mendilibarrek Celtari irabazita, taldea gehiegi erlaxatzeko beldurra zuela esan zuen. Flaño bat dator entrenatzailearekin, eta adi egon behar direla azpimarratu du: "Jaitsiera postuetan zaudenean, ahal duzuna baino gehiago ematen duzu, erreta zaudelako eta egoera txar horri amaiera eman nahi diozulako. Hortaz, adi egon behar gara jaitsiera postuetan geundenean ematen genuen plus hori emateko".