Adierazpenak
Oier: 'Asko dago jokoan'
Erredakzioa
Horrelako partidak jokatzea erraza ez dela aitortu du jokalari gorritxoak, baina zaleen babesa sentitzen dutela azpimarratu du.
Oier Sanjurjoren artxiboko irudia. Argazkia: EiTB
Osasunak Getafe hartuko du larunbat honetan, Nafarroako Erresuman, BBVA Ligako 35. jardunaldiko partidan (20:00etatik aurrera). Hedabideen aurrean Oier Sanjurjo mintzatu da. Ez dutela lehen itzuliko penalti polemikoa ahaztu adierazi du, baina Palman ere garrantzi handiko puntuak utzi zituztela esan du.
Mendilibarrek hamaikakoa osatzeko hainbat baja izango ditu, baina horrek taldea "gehiago" motiba dezakeela uste du Oierrek. Horrelako partidak jokatzea ez da erraza, Oierren esanetan. "Mentalizatu behar dugu, baina egia da tentsioa dela nagusi, eta jokoan asko dagoela".
Azkenik, zaleen babesa sentitzen dutela esan du. "Gurekin daudela badakigu, eta azken unera arte taldea animatuko dutela".