Osasuna, Elx taldeari irabaztera behartuta

Osasunak Elx hartuko du ostiral honetan Sadarren, BBVA Ligako 5. jardunaldiko partidan (21:00etatik aurrera). Garaipena eskuratzera behartuta daude gorritxoak, orain arte punturik ez baitute lortu.

Javi Gracia Osasunako aulkian eseri zen aurreko asteburuan, estreinakoz, baina taldearen irudia ez zen ona izan. Aurrean Elx izango dute nafarrek, aurreneko lau jardunaldietan hiru berdinketa eskuratu dituen taldea.

Javi Graciak zelairatuko duen hamaikakoa zalantza da oraindik ere. Getafen akats larriak egon ziren atzean, eta aldaketak egon daitezke. Oraindik ez dakite Alvaro Cejudo jokatzeko egongo den, baina Nino, Echaide, Miguel Flaño eta De las Cuevas baja izando dira, ziur.

Ustezko hamaikakoak:

Osasuna: Andres Fernandez; Marc Bertran, Loties, Arribas, Joan Oriol; Puñal, Silva; Sisi, Roberto Torres, Armenteros; eta Oriol Riera.

Elx: Manu Herrera, Damian Suarez, Lomban, Botia, Edu Albacar, Carles Gil, Carlos Sanchez, Javi Marquez, Fidel, Coro eta Manu del Moral edo Boakye.

Epailea: Del Cerro Grande

Futbol-zelaia: Sadar

Ordua: 21.00.