Igandean, 19:00etan
Osasunak ezustekoa eman nahi du Mestallan
Erredakzioa
Javi Graciaren gizonek etxetik kanpora hirugarren garaipena lortzeko abagunea izango dute. Oriol Riera eta Francisco Silva hasierako hamaikakora itzuliko dira.
Valentzia-Osasuna. Artxiboko argazkia: EFE
Nafarroako taldeak Valentzian garaipena lortzeko abagune ona izango du, Djukicen gizonak bolada kaskarrean baitaude. Valladoliden kontra garaipen oso garrantzitsua lortu zuen Osasunak, eta etxetik kanpora hirugarren garaipena bilatuko du, Mestallan.
Javi Graciaren taldeak urrezko hiru puntu lortu zituen Jose Zorrilla estadioan, baina Valentziako jokalariek "kalitate handia" dutela, azpimarratu dute gorritxoek.
Iruñeko taldeak sendo egon beharko du defentsan, puntuak lortu nahi baditu. Mestallan bi norgehiagoka soilik irabazi ditu Osasunak, azkenengoa 2004 urtean, baina gorritxoak erronkarako prest daude.
Oriol Riera aurrelaria eta Francisco 'Gato' Silva erdilaria hasierako hamaikakora itzuliko dira. Ninok eta Sisik lesionaturik jarraitzen dute.