Adierazpenak
Jan Urban, Osasuna entrenatzeko hautagai nagusietako bat
Erredakzioa
"Beste talde batzuei ezetz esan diet banekielako Osasuna entrenatzeko aukera zegoela", esan du talde nafarraren jokalari ohiak.
Osasuna, artxiboko irudia. Argazkia: EFE
Jar Urban poloniarra da Osasuna entrenatzeko hautagai nagusietako bat. Urbanek talde gorritxoan jokatu zuen 90eko hamarkadan, eta orain Iruñera itzuli nahi du proiektu berri bati hasiera emateko helburuarekin. Harrobian jarriko luke Urbanek garrantzia.
"Beste talde batzuei ezetz esan diet banekielako Osasuna entrenatzeko aukera zegoela", esan du Urbanek EFEri eskainitako elkarrizketa batean. Oso ilusionatuta agertu da.
Polonian, dena den, Lechia Gdansk edo Zawisza Bydgoszcz bezalako taldeetatik hurbil jartzen dute Jar Urban. Enrique Martin Monrealekin batera, Osasuna entrenatzeko faboritoen artean dago, zaleei egindako inkesten arabera.