Osasunak mugak izango ditu fitxaketak egiteko

Profesionalen Futbol Ligako Ekonomia Batzordeak zigorra ezarri dio Osasunari, jokalariekin dauzkan zorrak direla-eta, hain zuzen ere, bi milioi euro ingurukoak. Eta, ondorioz, Marca egunkariak iragarri duenez, mugak jarriko dizkio fitxaketak egiteko. Beraz, hiru salbuespen egoeretan soilik kontratatu ditzake jokalariak; hala nola, Osasuna B-tik igotzen badira, kontratua bukatuta baude, Bigarren Mailako soldata minimoa (68.000 euro) baino gehiago ordaintzen ez badie, eta bajak direla medio klubak aske uzten dituenen bitartez aurreztuko duenaren %25agatik fitxatzen badu.

Klubak bestalde, inolako jakinarazpenik jaso ez duela azaldu du, eta bere jokalariekin dituen zorrak uztailaren 31 baino lehenago konpontzea espero duela iragarri du.