2021era arte
Borussia Dortmundek Mikel Merino fitxatu du
Erredakzioa
Klub gorritxoa eta talde alemaniarra akordiora iritsi dira, eta datorren denboralditik aurrera Dortmundeko jokalaria izango da. Osasunak 5 milioi euro jasoko ditu; horietatik bi milioi, berehala.
Mikel Merino
Osasunako Mikel Merino jokalaria fitxatu du Borussia Dortmundek. Jokalari gorritxoak Osasunan bukatuko du denboraldia, baina datorren denboralditik aurrera talde alemaniarrean jokatuko du. Astelehen honetan pasatu du azterketa medikua talde alemaniarrarekin.
Bi milioi euro jasoko ditu Osasunak berehala eta beste hiru milioi, bi epetan; 1,7 milioi ekainan, eta 1,3 milioi helburu ezberdinen arabera. "Merino jokalari bikaina da", adierazi du Michael Zorc Borussia Dortmundeko kirol-zuzendariak.
Mikel Merinok 19 urte ditu, eta jubenil mailan fitxatu zuen Osasunak, 2012-2013 denboraldian. Iragan denboraldian sartu zen lehen taldean eta 28 norgehiagoka jokatu zituen. Denboraldi honetan, 22 partida jokatu ditu Osasunarekin.
rekin.