Derbia Sadarren
Alavesek azken postuak utzi nahi ditu, eta Osasunak, etxean irabazi
Agentziak | Erredakzioa
Nafarrek puntu bat atera dute San Mamesen, eta Pellegrinoren taldeak ez du garaipenik lortu seigarren jardunalditik.
Nafarrek lehen garaipena nahi dute etxea. Argazkia: Efe.
Osasunak denboraldiko lehen garaipena lortu nahi du etxean, eta horretarako Alavesi irabazi beharko dio bi taldeek jokatuko duten derbian. Arabarrek nafarrek baino hiru puntu gehiago dauzkate, azken lau jardunalditan hiru porrot eta berdinketa bat lortu ostean.
Iruindarrek, etxean, hiru partida galdu eta bi berdindu dituzte. Azken jardunaldietan hobera egin dute Ipuruan irabazita eta San Mamesen berdinduta.
Alavesek, bestalde, norabide aldaketa egin nahi du. Mauricio Pellegrinoren taldeak seigarren jardunaldian irabazi zuen azken partida, orduan Granadari 3 eta 1 irabazi ostean. Momentu honetan jaitsiera postuetatik puntu batera dago.
Pellegrinok ezin izango du eserlekuan egon, Real Madrilen kontrako partidan kalera bota zutelako. Carlos Compagnuccik ere partida harmailetatik ikusi beharko du.
Ustezko hamaikakoa:
Osasuna: Nauzet; Oier, David García, Miguel Flaño, Unai García, Alex Berenguer; Fausto Tienza, Roberto Torres, De las Cuevas; Sergio León eta Kenan Kodro.
Alaves: Pacheco; Kiko Femenía, Alexis, Feddal, Theo; Marcos Llorente, Dani Torres, Camarasa; Katai, Edgar eta Santos.
Epailea: Daniel Ocón Arráiz (Errioxako Batzordekoa).
Estadioa: Sadar.
Ordua: 18.30ean
a: 18.30eana: 18.30ean